- 10 -

1325. Juni 11.

In nomine sancte et individuo trinitatis amen. Qui parce seminat. parce et metet, et qui seminat in benediccionibus, in benediccionibus metet habunde felicitatem premiorum futurorum. Nos igitur Albertus Dei gracia Dux Iunior Opoliensis et dominus in Strelicz omnibus hunc contextum intuentibus rocognoscimus lucide profitentes, huius sacri eloquij misterio diligenti animo deliberato nostrorumque Baronum consilio, adhuc in bona valitudine mentis et corporis nostri constituti, bonis operibus cupientes diem extremum prevenire, quorum interventu grate ac salubriter non diffidimus nobis in eadem mensura remetiri vita in futura, Monasterio de Gemelnicz Cistersiensis ordinis Wrat. dyoc. a patre nostro Illustri Principe Boleslao in honore beate Virginis Marie fandato, Abbati ac fratribus inibi deo servientibus villam nostram Lasicze dictam pro nostris delictis commissis progenitorumque nostrorum remedio animarum cum omnibus usifructibus, utilitatibus seu eciam proventibus ad eandem villam pertinentibus, ut pote cum mellificijs, pascuis, pratis. silvis, rubetis, paludibus, cum agris cultis incultis, prout metis circumferencialibus est distincta, cum omni dominio, usu et consuetudine ut nos sepedictam villam hucusque tenuimus ac nostri precessores, hereditarie damus, donamus et conferimus proprietatis tytulo in perpetuum libere possidendam atque perhenniter obtinendam. Volumus eciam quod prelibatus abbas cum fratribus prefatam villam seu hereditatem in mellificijs, in taberna et molendinis et quibuscumque eis utilius videbitur convenire, habeant peramplius ampliare. Preterea concedimus quod nullus inhabitatores dicte ville Lasicze nec Iudex nec Castellanus nec aliquis Zuparius actenus habeat iudicare, sed tantum coram nobis aut nostro Successore per camerarium litteram portantem nostro Sigillo signatam citati de se querulantibus tenebuntur respondere. Cum vero a nobis aut a nostris Successoribus fuerint iudicati, si in penam condempnati fuerint, totam illam penam Abbas percipiet, nullo Iudice vel officiali exigente vel habente porcionem. Proinde concedimus dicto Abbati et fratribus eius, quod Iudex quem constituerit omnem causam tam parvam quam magnam, ut furtum, rapinam, incendium, homicidium vel quecumque inter incolas eiusdem ville contingerint, iuste habeat iudicare, penam vero vel solucionem pro se habeat integraliter mancipare. Damus insuper eidem Abbati venaciones ferarum, ubicumque eius in bonis dictis placuerit voluntati. Ut autem hec donacio per nos seu per nostros successores perhenniter inviolata perseveret, Nos presentes litteras nostro Sigillo ac Sigillis fratrum nostrorum ducis Walkenbergensis et ducis Opoliensis et Capituli Wrat. duximus communiri. Datum per manus Iohannis Notarij nostri Sub anno domini M°. ccc°. xxv°. tercio ydus Iunij Presentibus domino Wenceslao Czabcone dicto, Gerlaco et Ieroslao fratribus de Sedlicz, Wilhelmo Bohemo, Henkone Kulonis et multis fide dignis.

Das undeutliche Siegel des Herzogs zeigt einen Schild mit Adler; das folgende ebenfalls, und ein ähnliches Rucksiegel. Das dritte fehlt. Das Kapitelsiegel ist schlecht ausgedrückt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.